Picidae

Li Picidae soun uno famiho de 37 gènre e 239 espèci.
Soun de taio pulèu grando : 8 à 60 cm, 9 à 560 g .
Lou bè es dre. Li pato soun courto emé 4 (de cop que i'a 3) det.
La co es pulèu longo emé de diregènto forçudo emplegado pèr s'apiela sus li trounc.
La longo lengo munido d'uno puncho barbado e pegouso asado pèr aganta lis insèite dóu bos.
La majo-part di Picidae marquo soun territòri emé lou tambourinage di trounc, subre-tout dóu tèms de la reprouducioun.
Aquest es diferènt d'uno espèci à l'autro dins sa rapideta, sa frequènci, soun tèms de pauso...
Lou nis es fa dins l'onco d'un aubre qu'an descava (subre-tout lou mascle). Soulet lou trosso-còu cerco un trau.
Poundon 2 à 5 iòu blanc. lou mascle (la niue) et la femello couvon 18 à 30 jour.
Lis auceloun reston 18 à 30 jour au nis. Souvènti-fes, li jouine de l'an passa ajudon lis adulta. Manjon subre-tout lis insèite dóu bos (fourmigo, termito, babo e adulte de couleoutèri, toro...), mai tambèn d'aragno, de cacalau, d'iòu, d'auceloun, de lesert, de fru (nose ...) e de sabo.
N'en trouban d'en pertout en deforo de l'Australìo, de la Nouvello-Zelando e di relarg arti.