Laridae

Li Laridae es uno famiho de 23 gènre e 104 espèci (5 gènre e 18 espèci au nostre).
Soun de taio mejano à grando : 24 à 80 cm .
An un cors gaiard emé d'alo longo e pounchudo, soun aseta pèr lou vòu meme emé l'aurasso.
Emplegon li courrènt quouro fan de lòngui migracioun, an de gàubi à voula.
La majo-part dis espèci soun forço móutoniero.
Formon de gràndi coulounìo dóu tèms de la reproducioun.
Tóuto l'annado, s'acampon en group impourtant pèr manja o pèr chauma.
Cridon forço e d'un biais varia, pèr coumunica e apara soun territòri.
Soun ounnivore, an toujour sachu se vira dóu biais dóu bos ! Soun de famous raubaire !
Manjon subretout de pèis, d'invertebra marin, tambèn d'àutris aucèu, e pèr d'ùni de bourdiho umano.
Vivon proche dis oucean, di lau o long di ribiero.

Larinae

Li Larinae an li pato telado, soun mai longo que pèr lis àutri laridae, la marcho es eisado.
Lou bè es fort.
Lou vòu es pouderous, dirèit, souvènt plana.
Soun voulentié carougnié e mai raubaire que lis àutri.
Li crid soun rau, sounore, richounant.
D'ùni podon vièure proche dis ome.

Gènre

Latin	Noum de referènci	Àutri noum emplega
Rissa	Gabino	Gabian, Gabino, Gavino, Anedo,  Martinot
Chroicocephalus	Gabianolo	Gabian, Gabianolo, Gabino, Gavino, Fumet,  Martino(n),  Vanello Anedo, Nedo, Aledro, Aledo, Adrelo, Ardelo Coulau, Couloumb de mar
Ichthyaetus	Gavino	Gabian, Gabianolo, Vanello,  Martino(n), Anedo,  Fumet,
Larus	Gabian	Gabian,  Taio-vènt, Fumet,  Martèu,  Coulau, Pijoun de mar, Pijoun marin